www.kiki.ch è online dapi l'onn 1998 e vegn publitgà da l'associaziun KiK, l’anteriura Associaziun da las scolas da la dumengia da la Svizra tudestga, e sustegnì da differentas partiziuns da la baselgia refurmada chantunala. Kiki, il num da noss animal da vopna, stat a medem mument per ils uffants (Kinder) e la baselgia (Kirche).
Questa offerta d’Internet porscha als uffants in champ senza violenza e propaganda cun diversas pussaivladads da sa participar e da contribuir atgnas ideas. Ella promova uschia il dialog era ordaifer la scola e sur ils cunfins da la vischnanca ora.
Senza moralisar vegnan intermediads ils princips da basa cristians e l’identitad da la religiun cristiana che na duain tenor noss avis betg sulettamain vegnir vivids en baselgia ed en l’uraziun, mabain era en la vita da mintgadi.
Kiki, la pitschna tartaruga verda, è naschida ils 21 d'october 1994. Dapi lura pos ti leger in’aventura da Kiki en mintga ediziun da la revista per uffants KinSo! Kiki ha gia chattà numerus amis. Nus dal team da Kiki ans legrain, sche nossas paginas en l’Internet plaschan a tai. Ultra da quai ans legrain nus davart mintga posta che nus survegnin.
