Da sanestra: Thea Urech, Roland Just, Lini Sutter, Cornelia Camichel Bromeis, Thomas Gottschall, Hans Morgenegg, Christoph Jaag

è l’autoritad executiva da la sinoda, dal cussegl grond evangelic ed uschia da la baselgia chantunala. El sa cumpona da trais teolog(a)s elegid(a)s da la sinoda e da quatter laics elegids dal cussegl grond evangelic. Il cussegl da baselgia ha in agen urden da gestiun e sa raduna durant in fin dus dis il mais. Ils commembers dal cussegl adempleschan questa funcziun en uffizi accessori.

Sias incumbensas:

• Il cussegl da baselgia exequescha tut ils conclus dal pievel evangelic grischun, da la sinoda e dal cussegl grond evangelic
• Il cussegl da baselgia represchenta la baselgia chantunala vers anora
• Il cussegl da baselgia maina las fatschentas da la sinoda e dal cussegl grond evangelic
• Il cussegl da baselgia ha la surveglianza suprema dals cumins-baselgia e dals colloquis

Il cussegl da baselgia engascha in actuar ed in administratur da finanzas en plazza cumplaina per exequir las fatschentas currentas. El preschenta in rapport annual davart sias activitads per mauns dal cussegl grond evangelic.