Cun la confirmaziun cuntanschan ils giuvenils lur maiorennitad religiusa. Dad ussa davent decidan els independentamain davart lur dumondas da cardientscha persunalas.
Persunas confirmadas pon surpigliar padrinadis en occasiun da battens e dastgan stabilir ina relaziun da confidenza tranter els sco madritscha u padrin e l’uffant battegià.
A partir da 18 onns han els il dretg da vuschar en votaziuns ecclesiasticas.
In u dus onns avant la confirmaziun (a partir dal 15avel onn da vegliadetgna) frequentan ils giuvenils l’instrucziun per confirmandas e confirmands.
La conclusiun da l’instrucziun è il servetsch divin da confirmaziun. En il chantun Grischun ha el lieu tranter la dumengia da las palmas e Pasca u il zercladur.
